top of page
  • Team Oraan

Oraan ki Janib se ek Khat!




Mojooda scandal ke tehat Pakistan mein jo kuch hua, yeh aik intehai bad-qismati ki baat hai. Pakistan mein jahan khawateen ko maali vasaail tak rasai haasil nahi hai wahan yeh hamari ijtimai zimmedaari hai ke hum is baat ko yaqeeni banayen ke hum – apne maali haqooq se aagah hain. hum ne yahan kuch cheezein darj ki hain jin ke baray mein hum sab ko hamesha aagah rehna chahiye.


  1. Har baar jab aap kisi bhi transaction ke liye kisi ko apni raqam den, to is se raseed ka poochna aap ka haq hai. Lain dain ko dono atraaf se tasleem kiya jana chahiye.

  2. Aap ki raqam par aap ka haq hai.

  3. Afraad ke zariye infiradi tor par chalaye jane wali committee aur companiyon ke zariye chalaye jane wali digital committees, jaisay ke Oraan, mein bohat farq hai.

  4. Company ka SECP ki taraf se registered hona zaroori hai jo aik regulated idaara hai. Aur Oraan ke case mein, Oraan Tech Pvt ltd. k tor par registered hai, aur yeh hamara registration number hai : ۰۱۲۲۳۹۲

  5. Aik company ka farz hai ke woh apne tamam sarfeen ko apne sharait-o-zawabit ke tehat tahaffuz faraham karain.

  6. Tamam transaction k sath audit trails munsalik hotay hain. woh hamari application mein record kiye jatay hain aur is baat ko yaqeeni banaya jata hai ke aap ne apni wajib-ul-ada raqam ada ki hai aur hum ne woh raqam wusool ki hai. Isi tarah jab aap ko koi payment milti hai to hum yeh bhi record karte hain ke aap ne usay wusool kya hai aur hum ne usay ada kardia hai.

  7. Committee mein daakhil honay se pehlay tamam members ki tasdeeq ki jati hai. aur in ko jin dastawizaat/documents ki zaroorat hoti hai woh na sirf aap ki balkay dosray arkaan ki hifazat ke liye bhi zaroori hai.

  8. Aur in mein hum is baat ko yakeeni banatay hain ke har aik ko un ki wajibu-ul-ada raqam us waqt mein mil jaye jis waqt ka un se wada kiya gaya hai. Isi terhan tamam arkaan bhi is baat ko yakeeni banatay hain ke woh apni raqam ki adaigi bhi waqt par Karain.

  9. Aur ye tamam committees aik mobile phone app ke zariye chalai jati hain taakay aap ko mukammal shafafiyat haasil ho ke kya ho raha hai.

  10. Kisi bhi muahiday ya maali lain dain mein baghair kisi tehqeeq ke daakhil na hon, khaas tor par jab sarmaya kaari ke hawalay se koi maamla ho. Apni tehqeeq karte waqt is terhan ke sawalaat karen:

  • Aap kisi company ya maliyati idarey ka hissa hain?

  • Aap ka registration number kya hai?

  • Ap ka NTN number kya hai?

  • Mujhe qanooni tor par kaisay tahaffuz faraham kya jaye ga ?

11. Agar aap ko koi sarmaya kaari ka mauqa faraham kya ja raha hai aur koi fard aap se kehta hai ke “barahay karam mujhe DM/inbox karen taakay mein mazeed tafseelat share kar sakoo” to barahay karam aagah rahen ke durust mawaqay ko shafaaf hona chahiye.


Pehlay se kahin ziyada, yeh hamari ijtimai zimmedaari hai ke hum is baat ko yakeeni banayen ke hum aik dosray ke maali tahaffuzaat ka khayaal rakhen aur doosron ko kisi ka maali faida na uthanay den. Aik community ke tor par hamein mohtaat rehne ke liye izafi koshish karni chahiye. Aik dosray ka khayal rakhen aur jab bhi kisi ke sath kuch ghalat hota dekhen to aawaz uthayein.



84 views0 comments

Recent Posts

See All
bottom of page